رحلة عمر ...ضحك فقط...

رحلة عمر ...ضحك فقط...

سلام يالربع

صباحكم عسل ومساكم سمن >>باقي البر ويزبط الفطور

:a2a1170:شحالكم :a2a1170:

مدخل مانع للإنبراش
تونس تحترق ، وجدة تغرق ، ومصر تنهب وتسلب ، والعراق مكانك سر ، وغزة تجمع ما سبق ، والسودان يقسم ، واليابان تتزعم آسيا ، وساهر ما زال يجمع دراهم خلق الله ، والملك في أغادير يتنقه ، والثلج يغطي جبال تبوك ، والإختبارات خلصت ، وبطولة ولي العهد تبدأ ....
أمور وحوادث مأساوية ...
أردت أن اكتب عنها ....
ولكن قلت ليه ازيد الهم هم ...
وليه اقتل بسمتي بذكرها....
وليه أشغل البال يحلها ....
الله على الظالم حسيب ...
والله يحل ما إبتلا عباده به....
مالي إلا الرضا والتسليم ....
وماخاب من رجى ربه...</B>
وكل ما تصفحت المنتدى ...
لقيته مليان هموم ...
فقلت من واجبي الوطني ...
انفس عليكم ...
وابحر بكم في محيط البسمه ...
واحلق بكم في سماء الضحكة...
وافرفر بكم في شوارع السعادة والخفة ....
الموضوع ندااء لمن اراد لهمومه سياحة...

رحلة عمر مواطن سعودي

مرحلة (التعرف على الأهل)

هذي يالربع اول مرحلة في عمر البزر ، تلقاه يتأمل بصمت وجيه من حوله ، ويحلل شخصياتهم ، ويحدد مصالحه الشخصيه معاهم ، وأول ما تجي تلاعب البزر في هالعمر تلقاه يتاملك باحتقار:a2a168:، وانت في حماسك تلاعبه وتطلع اصوات غريبه تبي تشده:a2a1205: ، وهو يناظر ويقول في خاطره "وش سالفه امه ذا الله يستر لا يكون ابوي " وللاسف تطلع ابوه ، فراح تلقاه يجاملك ويضحك لك لاجل اليوم الاسود</B> اللي تمسك فيه عليه خطا ، طبعا الصبي في هالعمر راح يتعرف على امه لانها الممول الغذائي</B> الاول ، ولما يتعرف على جدته تلقاه يحسب لها عمرها ويقول" اتوقع على هالخشه ياجده اذا وصل عمري سبع سنين انك في القبر " ، راح يعرف ان ابوه كل شي الا في وجود الجد وهذا يعطيه دافع للتعلق بالجد ، وبكذا يحدد البزرالسعودي أفراد مجتمعه القادمون
:SnipeR (7): .

مرحلة (حذيانك هي بطاقة احوالك)

هذي المرحله لما يكبر الصبي ويصير يمشي ، تلقاه يناظر في الحذايا ويقول هذا عمو وهذا بابا وهذي ماما وهذا صديق وهذا انا ، وطبعا يكره حذيان الرجال لانها متشابهه ، لكن ما يضيع في حذايا الحريم لانها اشكال وانواع وحركات:a2a1402: ، وبعد التعرف على الهويات الوطنيه راح يبدا في احلى لعبه عرفها وتعرف عليها ، لعبه الحذايا السيارات ، ويصير كل حذيان عنده سياره ، وبعدها يطور الوضع وتصير الحذيان كوره ثم تصير عصى ثم تصير حجر واخر شي تصير ممله جدا فيقرر يلبسها .

مرحلة (طف اللمبه وولعها)

احلى لعبه للاطفال ، يحرق ام الفيوز ، يطفي ويولع يطفي يولع وما يطفش ، وتحليلي الشخصي انه يتعرف على قدراته في احداث فارق في الحياة وتغيير شي واضح زي النور ، ويطور الوضع الى التلفزيون ثم الجوال ثم الغساله ولكنه يصاب بخيبه امل كبيره حينما يحاول يطفي القمر وما يقدر وتبدأ رحلة حقده على القمر فيقرر الانتقام منه لاحقا:a2a169: في الوقت الذي فيه الطفل الغربي حينما لا يستطيع إطفاء القمر تبدأ رحله في الاعجاب بالقمر ويقرر السفر اليه لاحقا .:a2a1169:

مرحلة (ودني معك السيارة)

البزر السعودي تبدا رحله في عشق السيارات منذو الصغر ، ويصبح شي فطري فيه ، فتجده يعشق الركوب بادب بادئ الامر ، ثم يتطور الوضع الا ضغاط الازرار ثم مسك القير ثم الدركسون ثم التمرد في التقليد ثم البوري واخيرا الجلوس في حظن السائق ، وتحليلي الشخصي هو ان الطفل يعشق القدره على التنقل من مكان الى مكان بسهوله ، ويبدأ حقده على مادة الفيزياء.

مرحلة (يوجد كائنات حولنا غيرنا)

وهي رحلة تعذيب الحيوانات ، والطفل السعودي لا يخشي أي حيوان على الاطلاق بادئ الامر الى ان يكبر ويعرف ، فتلقاه يبدأ بفغص النمل ، وملاحقة الصراصير ، وتذوق الخنافس ، وتخريب بيوت العنكبوت ، ثم يتطور الوضع الى ملاحقة الدجاج ، وركوب الخرفان ، ورجم البل ، واخيرا نتف ذيول القطط ، وتقليد صوت الكلاب ، ويبدأ حقده على مادة الاحياء.

مرحلة (كل الطعام كان حلال لبني اسرائيل)

كل شي عنده يوكل ، ابتداءا من الفاين وانتهائا باوراق الشجر ، تجده في هذا العمر حيوان مفترس ، ياكل كل شي من أي شي في أي شي وباي شي ، وهنا تبدأ رحلة الامراض ، ويبدأ حقده على مادة الكيمياء.

مرحلة (عد عند العشرة)

ما زال الطفل السعودي متحير جدا من ذي اللعبه ، يعني واذا عديت عند العشرة ياصير كويس ؟؟؟ ، وليه العشره بالذات ، ويبدا يكره اصابعه ، ويكره كل ما يمت بالعشرة بصله ، وكل ما جاهم ضيوف تلقى واحد يبوسه وقبل يقول يلا عد للعشره يقول واحد خمسه عشره خلصنا ، وهنا يبدأ حقده على مادة الرياضيات .

مرحلة (اختي الصغيرة جات):a2a1402:

وهي المرحلة اللي يجي على البيت ضيف جديد مستضعف ، وهي اخته الصغيره ، وبموجب الاخوه راح يحرمها المراحل السابقه ويبدا مرحلة جديده في حياته:SnipeR (7): ، وهي مرحلة التجارب والتفاعلات البيوجيلوجيه ، وراح تكون الاخت الصغيره حقل التجارب ، كل ما ارد تجربته وهو صغير وخشي على نفسه العواقب راح يجربه على اخته ، مع العمر وتتالي السنين راح يطفش من التجارب العمليه وينتقل للتجارب النفسيه:SnipeR (7): فيبدا بدب الرعب فيها وتخويفها واطفاء النور وحكايه قصة الجني مصاص دماء الاطفال ، ويخبره انها مو بنتهم وان هم لقوها في الوادي ، وفي النهاية يخبرها ان الناس كلهم يكرهونا وانه الوحيد اللي يحبها ، وراح يخليها تخطي ويستر عليها ويبتزها ليما ابتزاز ، وهنا يبدأ حقده على الهيئه .

مرحلة (انا طالب):a2a1182:

تبدأ بتسجيله في اولى ابتدائي ، وهنا يبدأ يتعرف على ناس غريبين من حوله ، ويعرف ان البيت ارحم ، راح يتصقف لين يعرف ان الله حق ، وراح يصفق لين يعرف ان معه حق ، راح يكون صداقات مبنيه على المصلحه فقط ، في نهاية المرحله يقرر بناء صداقة صادقه ويتراجع عن قراره لدواعي امنيه .

مرحلة (أنا صديق نفسي)

وهي تبدا بالمرحلة المتوسطه ، راح يترك صداقة الناس كلهم ، ويحس انه اطلق واحد في العالم ، وان الوقت ذا مو وقته ، راح تكون احلامه عظيمه ، وتلقاه يبي يصير لاعب وشاعر وعالم وفنان وشاطر وقوي وغني ومطوع وحلو وكل شي ، وفي الاخير يستحي يقول لاحد عن احلامه فيضل صديق نفسه الى الابد.

مرحلة (صرت رجال ):a2a1113:

اغبى مراحل المواطن السعودي ، بين يوم وليله يصبح رجال ، ويلقى انه مسؤول عن افعاله ، وتبدأ معامله الاهل غريبه شوي ، لكنه في ذي المرحلة يكتشف ان العالم فيه شي اسمه صديق ، ويتوهق في الصداقه ويتم اختياره للصديق بغباء وفشل ، فيصادق اصحاب النفوذ والشعبيه وينصدم بتشعب العلاقه ليضطر في النهايه الى الرجوع الى مصادقة النفس .

مرحلة (طالب جامعي ):a2a1182:

يبدأ في التحرر من القيود ، تبدأ رحلته مع المغازل والدخان:SnipeR (7): ، بناءا على حقده السابق للمواد المذكوره انفا ، يبدأ يكره شي اسمه مستقبل ودراسه ، في هذا العمر الغيره تتوقد في قلبه ، يبدأ التفكير في الزواج ، وتبدأ مشاعره وعواطفه في التوهج :a2a1170:، وفي هذه المرحلة اذا كان لديه أي موهبه او ابداع فطري ، فسوف تتفجر لا شك ، واخيرا دائما ما يشعر بالندم على ما مضى في هذه المرحلة .:a2a1198:

مرحلة (راعي بيت ):a2a1168:

هنا يبدأ يكره النسوان ، ويكره البيت ، ويكره العثيم ، ويحب الدوام ، راح تنمو له كرشه مدورة مصنوعه بدقه وبراعه ، تلقاه يلبس طاقيه معظم الوقت ، يبدأ عشقه للتلفاز ، يحب البرامج الحواريه ، وتبدأ مرحله حبه لامه وابوه المتأخره:a2a1336: ، يبدأ يعرف ان الفلوس كل شي في الحياة ، يتوصل لحقيقه انه لا وجود للحب اطلاقا ، يتورط في مسألة التربيه ، ويعرف ان ابوه كان صابر على عظيم ، ويبدأ تعلقه بربه ، وتجده كأنه غريب في المسجد.:a2a1198:

مرحلة (طفوا اللمبات)

في هذا العمر تلقى المواطن السعودي همه يطفي لمبات البيت ، ويسقى الشجر اللي عند المدخل ، كل يوم يتهاوش مع الحارس وراعي البقاله ، وتلقاه يتابع العربيه ويقرا الشرق الاوسط ، اذا كان من متابعي الكوره تلقاه ينتقد كل شي ، ويبدأ مرحله هيه يازمان اول بس .

اخيرا مرحلة (تصنع العراقه)

تجد الشيبه في ذا العمر يتصنع القدم والعراقه ، فتجده يلبس بطريقه قديمه جدا ، ويكثر من سواليف اول ، ويجمع الشيبان عنده في البيت ، لقيت مره شيبه من شيبانا عمره 60 سنه بس يعني مو كبير وكان يقول سالفه لنا وهو يشوفنا صغار غير ان السالفه ما تدخل العقل وحنا نسلك له استعمل فيها مصطلحات غريبه جدا واسمعوا جملته ذي ، يقول لي يوم ولدت انه كان متحمس لوالدتي فقال " مصبح ولادتك كان النعس يداغفني مره يدغشني ومره ادغشه لين اوردت بك امك ولقيتك مغمش في خلق ما نذهب منك الا ملاجعك ومطابزك وانت مفغر الفاه صياح ونياح" التفسير لما قال " يوم ولادتك كان النوم ذابحني مره انعس ومره اصحى لين ولدت بك امك ولقيتك ملحف في لحاف ما اشوف منك الا خدودك وغمازات وجهك وانت فاتح فمك تبكي " وربي ضحكت عليه ضحك قلت ياعم ياشين التلغوى والتصنع فقال شباب هالزمن وش عرفكم بكلام جدانكم وقام معصب :a2a1325: ، وفعلا في هالمرحلة الموت رحمه .:SnipeR (7):

شاركونا بمواقفكم

السالفه كلها ضحك

والسلام خير الختام فيما يحبه الله ويرضاه

ولآآ تنسوآآ

---

vpgm ulv >>>qp; tr'>>>

تبي الصراحه مافهمت شي ههههههه .. ~( أمزج )


هذي حيات كل سعودي عاد وش نسوي ههههه ... ~


مشكووور اخووي ههه .. :a2a1103:

ههههههههههههههههههههههههههههه

الزبده فضحتنا قدام العربان <<<< وش عنده نمر بن عدوان :SnipeR (91):

سلامات كل شئ مميز في الموضوع الى صديق نفسي :SnipeR (102):

هاه وش ردك اتوقع انها مزحه برزحه .. ههههههه :a2a1239:

يالبى قلبك والله الموضوع جاء في وقته

والله انك كفوووووووووو وشنب <<< هيااااااااط

تحياتي ( متدور البلوز ) :a2a1271:

هــــهـــــــهــــــهــــــ:a2a1222:

جميل جداً رائع جداً

تسلم ايديك اخوي ولا تحرمنا منها

وتستاهل الف تقييم

:a2a152:

اولا : الربع الي بالكويت كلهم يسلمون عليك

ويقولون اي حزن الله يهديك الناس مستانسين وفرحانين

بقدوم فبراااير

\\\\\\

بالنسبه للموضوع والله لو انا مراااقب لثبته

والله روووعه خااصتا الورع

مرحلة (التعرف على الأهل)

هذي يالربع اول مرحلة في عمر البزر ، تلقاه يتأمل بصمت وجيه من حوله ، ويحلل شخصياتهم ، ويحدد مصالحه الشخصيه معاهم ، وأول ما تجي تلاعب البزر في هالعمر تلقاه يتاملك باحتقار:a2a168:، وانت في حماسك تلاعبه وتطلع اصوات غريبه تبي تشده:a2a1205: ، وهو يناظر ويقول في خاطره "وش سالفه امه ذا الله يستر لا يكون ابوي " وللاسف تطلع ابوه ، فراح تلقاه يجاملك ويضحك لك لاجل اليوم الاسود</b> اللي تمسك فيه عليه خطا ، طبعا الصبي في هالعمر راح يتعرف على امه لانها الممول الغذائي</b> الاول ، ولما يتعرف على جدته تلقاه يحسب لها عمرها ويقول" اتوقع على هالخشه ياجده اذا وصل عمري سبع سنين انك في القبر " ، راح يعرف ان ابوه كل شي الا في وجود الجد وهذا يعطيه دافع للتعلق بالجد ، وبكذا يحدد البزرالسعودي أفراد مجتمعه القادمون
.

ههههههههههههههههههههههههههههههههههههه

[ اتوقع على هالخشه ياجده اذا وصل عمري سبع سنين انك في القبر " ]

ههههههههههههههههههههههههههههههههههه

وااصل يالغالي ولاتقااطع اماانه عليك


وتستاااهل احلى تقييم مني ومن الكويت

كلام حلو كثير

بس والله فضحتنا فيه

هههههههههههههههههههه


يسلمو حبيبي ع الطرح


:a2a142: ودي :a2a142:

// من جــــد قـــمــة الروعــــه //

جمعـــت مواضيع في موضوع .. واحـــد ( متعوب عليه )

وبإخراج يا لبيـــــه بس ..

حياة المواطنــ السعودي وهذا فخر لـــنا

أهم شيء هي نعمة الأمان الى كثير من الدول فاقدتها ( الحمد لله )

وتحيه لصديف نفسه خبيلان ههههههههههه

يستحق التثبيــــت + التـــقــيم

وشكرا ..