السلام عليكم
قبل ما ادخل بالموضوع , الي يخاف من العفاريت يطلع 
المكان :
مستشفى عرقه , بمنطقه عرقه , قرب وادي حنيفه , شمال الرياض
عن المكان :
الي حاب ياخذ المعلومات بالضبط يبحث بالنت , بقول الي سمتعه و اعرفه
المستشفى له 40 سنه , منذ ان بدأت حرب الخليج , صار المستشفى ملجأ للشعب الكويتي
( المستشفى و سكن المستشفى ) و بعد الحرب صار مهجور ليومنا هذا !!
السبب محد يعرفه , و حتى مغلق بسلاسل و صفائح حديده ملحمه على الابواب !!
طبعا طلعت اقاويل و قصص , ما نعلم من حقيقتها و كذبها ..
و بعد خروجنا من المكان عرفنا انه ممنوع التجول داخل المستشفى و فيه شرطه
تراقب المكان , لكن و لله الحمد محد شافنا و ما كنا نعلم ..
سالفتنا :
يوم الخميس قبل كم اسبوع , راحوا له اخوياي الساعه 10 و نص بالليل , انا رفضت اروح بداعي الخوف
استكشفوا المكان , طبعا كانوا 6 بس الي كان قلبه قوي و دخلوا 4 .. منهم ( تركي و سمير )
ما دلوا بالمكان زين كان ليل و ظلام ..
قررنا بالمدرسه , اول ما نطلع نروح له , يعني الظهر و رحت معهم ,
كان الهدف اننا نستكشف المكان , علشان الطلعه الصدق و اننا نتحرى بكل غرفه و مكان
بكرة الاربعاء .. انا انسحبت وما راح اروح
اعضاء الرحله المرعبه :
انا و تركي و سلمان و زيد و سعود و نواف و مهند
كلنا حابين نعيش الرعب و الاكشن والاثاره و المغامره .. شويت مراهقه 
الصور :
وقفنا داخل حاره .. و رحنا للمكان على رجولنا
صورة للمستشفى من بعيد , هيكله جدااا ممتاز لكن فيه خرابه كثير و تكسير !!
من هنا انطلقنا , طبعا ركض عشان الشرطه .. و ما كان فيه ابواب
دخلنا مع كراج مكسور بوريكم صورته شوي .. حبه حبه
قائدنا الحكيم زيد , كان بالمقدمه مع ان الخوف يقرقع برجوله
, زين ما جاته ام الركب هههههه
هنا دخلنا من سور المستشفى .. و رايحين للكراج البوابه الوحيده للمخاطرين بالدخول ..
هنا بالزاويه صلينا العصر .. و سوينا كم اتفاق .. خااااصه مع تركي و سلمان لانهم قد جوه من قبل
و ناويين يخوفوننا .. باختصار هم المخاطرين فينا جايين و براسهم شوفة جني ... اعوذ بالله من الشيطان
ثم دخلنا من الكراج .. الي واضح بالصورة
سمينا بالله و قرينا ايه الكرسي و المعوذات و سلمنا , و اول ما دخلنا
قام سلمان يغني جاه الطرب
... المكان واضح خرااابه و من داخل برد مرة و رررعب
مشينا شوي قدام , معنا فقط كشافين واحد مع نواف ( الي لابس اصفر ) و سلمان ( لابس احمر )
و تركي بالمقدمه .. بدون كشاف
احدى الغرف .. , بعدين قررنا نطلع .. صراحه خفنا
لان الثلاثي تركي و سلمان و نواف يبون ثلاجة الموتى , و احنا خايفين
قلنا بنطلع نستكشف المكان كله بعدين ندخل
قررنا ندخل من البوابه الرئيسيه , مشينا من الطرف الشرقي من المستشفى
البوابه كان مقفله ب سلاسل , مالنا الا نطمر من الدرايش المكسره
مكان المطعم , و الاستقبال و الانتظار و بتاع الكل
ما دخلنا كملنا مشي
باب يؤدي الى القبو , انا بس فتحت الباب شفت السيب .. خفت
والله مررررررررعب
طبعا قررنا ندخله بعدين
مشينا شوي قدام ,, طلع لنا ولد بعمرنا تقريبا مندس يدخن
احنا خفنا مكانه كان شبهه مررررة
.. سمينا عليه و قرينا وكان يضحك
و سولفنا معه عن المستشفى و قال .. قبل 20 سنه يقول ابوي كنا نسمع اصوات
و قرشعت الابواب و باخر الليل طق سامري و اصوات .. بس بالوقت الحالي
ابد ما فيه شي و كل القصص كذب
صورة من حدى الدرايش
بعدين قال نواف , نروح للسكن افضل , يقول فيه غرفه بالسكن فيها ادوات المطبخ
و ابريق يقلي ومدري ايش و كوب شاهي حار , و فيه مبنى فيه كلاب مسكونه
ف قررنا نروح نشوف ..
صورة لاحدى مباني السكن .. طبعا كثييره المباني دخلنا بعضها .. و الي قيل فيها كلاب مسكونه
سيب ب احدى المباني ., فتشنا غرفه غرفه .. ما وجدنا شي
احدى مداخل المباني ..
هناااا يقوولون فيه الكلاب المسكونه , دخلنا و رقينا الدور الثاني و ما فيييه شي اببد
بس وجدنا علبه عصير سيزر .. قدييييمه مرررة
دورات المياه وانتم بكرامه . الي بالمبنى
بعديين طلعنا و رجعنا للمستشفى .. و نبغى نطلع للدور الثامن اخر دور , و بندور غرفه الموتى
او غسيل موتى او ثلاجة موتى , اهم شي فيها موتى .. لاننا قرينا قصص عنها بالداخل
احدى السجلات الي لقيناها طايحه بالمستشفى
صورة عن قريب و لاحظوا التاريخ 1998 .. و طبعا لقينا ورقه موعد اقدم بكثيييير
بتاريخ 8/7/1981 م ...
خرابه
تذكرون صورة باب القبو ؟ هنا دخلنا هذا هو السيب , طبعا صدى قوووي مرررررة
و قفنا هنا نقرر نكمل او نطلع
و تلوموني يا عيال , يبونننا نكمل مسيره لتحت .. ثم رجعنا نرركض
و تركي و سلمان يركضون ورانا و يطلعون اصوات .. صياح .. يقولون نبي يطلع لنا شي
او يمكن يجي واحد يركض معنا
رجعنا للمطعم من البوابه الرئيسيه و دخلنا ..
اثآر احتراق .. عند الريسبشن !!
غرفه الاداره .. شوفوا الاجهزه قديمه مررررة ,
رقينا فوق .. للتنويم , و لاحظنا احدى الكتابات الي خوفتنا كان مكتوب
( ترى الناس يحسبونها فله غيرك دخله ولا شاف اهله صدقوني ) !!!!!!!!
و فيه كتابات مضحكه واستهبال ( حاط سهم وكاتب من هنا الجني , نمشي شوي مرجع السهم وكاتب اسف الجني من هنا )
احدى غرف التنويم
تلفزيون قدييييم جدااااااا .. و الغريب ما فيه غبار ولا خراب ولا شي .. !!
حتى لقينا نجفات و لمبات و ثريات جديده !!
و احنا نرقى للدرج .. نبي الدور الثامن .. كان فيه دم من الدور الاول لييين الثامن
كل ما رقينا زاد .. و كله بالدرج !!
سالنا ناس كثير , منهم امام مسجد المستشفى , يقول لي 12 سنه ولا سمعت شي !!
سالنا من شباب الحاره قالوا لنا 20 سنه ما سمعنا شي اببببد , و كل الخرابه من الشباب
يجون يكسرون و يكتبون .. !!
نصيحه / لا احد يروح
|[ آعلآنآت المنتدىآ ]| 
المواضيع المتشابهه
العرض الشجري