صرح الامير عبدالرحمن بن مساعد رئيس نادي الهلال تصريحا للاعلاميين حول العديد من الامور التي تخص البيت الهلالي حيث صرح حول اعلان عقوبات اللاعبين ومدى فائدتها للاعلام وانها لو كانت عقوبه داخليه لربما كانت افضل اوضح سموه قائلا "انا لما اعلن عقوبه ياسر القحطاني جتني رسايل واتصالات يقولون ليه تعلنون عقوبه لياسر القحطاني نحن اعلنا عن عقوبه ياسر القحطاني لاني اللي اشوفه للامانه ان اعلان عقوبه ياسر علشان هو حتى ياخذ درس وحتى يرى بقيه اللاعبين انه لايوجد احد فوق العقاب فلا ياسر ولا ويلي ولا عزيز ولا طارق ولا اى احد كان".
"ولكن للامانه فيه فرق كبير بين الكرت الاحمر امام الاهلي والاماراتي وبين اللي قدام الشباب فأمام الاهلي الاماراتي
ماكان لها داعي ابدا انت فايز 3-1 ليه تطرد ومافيه ضغط عليك البارحه كانت النتيجه 3-0 وهو بالكرت الاول لم يمثل هو فعلا وقع وقد تقبل ان تكون ضربه جزاء والحكم لم يحتسبه له او لا وبالمناسبه ياسر قال لي وانا اصدقه ان الحكم عندما ناقشه ياسر القحطاني حول سقوطه يخبره انا لم امثل فقال له الحكم( لا انت قايلين لي عليك ) فانا ابي اعرف ( انت قايليلي عنك هذا ) مين اللي قايل للحكم ان ياسر يمثل فاذا كان هذا حصل ( اذا كان ) واحط ( اذا كان ) تحتها عشر خطوط فهذه كارثه".
وحول تصريحه الذي تحدث فيه حول اصابات لاعبي الهلال وان النصراويين اصدروا بيان للرد على حديث سموه اجاب سموه قائلا "والله التصريح كان واضح وانا كنت اتكلم وفق حقائق حصلت للهلال في المباريات اللي فاتت وانا كلمت الاخوان في الارتي
وطلبت منهم انهم يطلعون تصريحي بالكامل اللي قلته في قناه الزعيم على الموضوع هذا".
وأضاف:"فشوفوا التصريح هو المقصود فيه النصر فقط والا لا والي اكد كلامي رادوي وانفه المكسور واللي بالمناسبه بيسوي عمليه يوم السبت علشان يثبت الانف لانه عنده وروم الان ولا يقدر يسوي العمليه فكلامي كان في محله ياخي شوف كرة زيد المولد في الشوط الاول مع ويلي هذه لو جت في وجهه كان انتهى الاعب وشف المرفق حق ناصر الشمراني في وجه رادوي شوفوا انا معاي حق اقول لعيتنا فكونا من الضرب اللي يودي لاعبينا للمستشفيات او لا انا اتكلم بشكل عام وادعوا لجنه الانضباط انها تشوف هاللقطتين واذا كان الحكم مااحتسبها ولا تبون تعاقبون ياخي علمونا نخلي لعبيتنا يلبسون لبس لاعبيه الفوتبول ( يقصد كره القدم الامريكيه ) المباراه الجايه".
|[ آعلآنآت المنتدىآ ]| 
المواضيع المتشابهه
العرض الشجري