صرح الأمير عبدالرحمن بن مساعد رئيس مجلس أدارة نادي الهلال للأعلاميين بعد نهاية إجتماع مجلس الأداره هذا اليوم حيث في البدايه تحدث الأمير عبدالرحمن عن إجتماع مجلس الأداره الذي عقد هذا اليوم الذي قد جاء فيه :
" ناقشنا جميع مايختص بالفريق فيما يتعلق بالمدربين المقترحين واللعيبه الأجانب وكل شئ ..وأكد بأنه لم يكن هناك قرارات .بل كانت دراسه فالمفروض عندنا أخر مباراه يوم 27 مايو بعد ذلك لاعبي المنتخب بينضموا يوم 30 واخر مباراه لهم يوم 17 يونيو طبعا إحنا أستعدادتنا مرتبطه بما سيحصل للمنتخب لأنك أنت الحين المعسكر الخارجي في أحتماليين أحتمال لعيبة المنتخب بيكونوا معك أذا ماتأهل أول أو ثانيا وهذا مانأمله ونطمح له جميعا وأحتمال لاقدر الله اذا كان فيه ملحق هذا بيخربط أستعدادتنا كأنديه .. وأتكلم عن أربع أنديه سعوديه وفي هذه الحاله ربما يكون لاعبي المنتخب غير موجودين معك في المعسكر الخارجي تبقى الفائده من المعسكر الخارجي مهمه علشان المدرب يشوف اللاعبين الأجانب ويشوف اللعيبه البدلاء واللاعبين غير المنضمين للمنتخب وبالتالي الأجازه تعتمد على كيف بيكون الموسم القادم وكيف بيبدأ هل سيبدأ بكأس فيصل هل بيبدأ بالدوري وشخصيا نتمنى أن يبدأ بالدوري .. ليش ؟
أعتقد هذا من مصلحة الأنديه السعوديه الأربعه لأن الموسم بيبدأ بالدوري أذا تأهلنا لدور الثمانيه أتكلم لأن أول مباراه في دور الثمانيه يوم 23 سبتمبر اذا بدأ الموسم كما هو متوقع يوم 12 اغسطس يعني على الأقل يكون في خمس مباريات في الدوري الين تجي مباراة دور الثمانيه في أسيا هذا يخلي أستعدادك أفضل من أنك ماتلعب مباريات لأن المشكله ان الشرق يتميز عننا أن الدوري عندهم مستمر يعني وضعهم بيكون أفضل انت تعرف ان في البدايه الجاهزيه ماتكون كبيره كل هالأمور تم نقاشها ولكن الأكيد أن لعيبتنا اللي ماهو في المنتخب بياخذوا أجازه خمس أسابيع بعد 27 مايو ولاعبي المنتخب ثلاث أسابيع او اكثر 23 او 25 يوم ولكن سيحدد كل شئ بعد المنتخب ماينهي مباراته مع كوريا الجنوبيه لنستطيع ان نضع النقط على الحروف وعن مكان المعسكر أكد الأمير عبدالرحمن بأنه لا يمكن أن نحدد المكان وخلال الثلاث الأيام القادمه سنعلن بشكل نهائي ماتوصلنا إليه بشأن مدرب الفريق الجديد ومتى مااعلنا المدرب يتم الترتيب مع المدرب وين المعسكر وكم مدته .. "
بعد ذلك حدث الأمير عبدالرحمن عن موضوع طارق التائب , فاجاب سموه قائلا :
" بوضح نقطه وانا قلتها اليوم في صدى الملاعب وعن طارق التائب تحديدا في حال تأهلنا لدور الثمانيه هيكون طارق التايب غايب عن مباريات دور الثمانيه ودور الأربعه والنهائي فالبتالي لابد من أن نستفيد من لاعب مكان طارق في الأسيويه هذا لايعني بأننا لن نجدد لطارق التائب ممكن نجدد لطارق ولو تأهلنا أن شاء الله لكأس العالم نستفيد منه واذا ماأستفدنا منه في الفتره الأولى نستفيد منه في الفتره الثانيه مثل ماقلت اللاعبين الأجانب كلهم تحت تصرف المدرب القادم هو من يحدد حسب أحتياجاته من سيبقى ومن سيرحل ومن اللاعبين الأجانب الجدد أذا كان في لاعبين جدد ..
وكما ذكرت يجب تسجيل لاعب مكان التائب اللي ماراح يشارك في مباريات دور الثمانيه ودور الأربعه والنهائي ومن المستحيل انك تفرط بخانة لاعب أجنبي في هالمباريات المهمه جدا اللي هي يعتمد عليها كل شئ أعددناه ولكن هذا لايعني بأننا لن نوقع معاه يعني ممكن نستفيد منه في كأس العالم للأنديه أذا النظام يسمح أذا فزنا بأذن الله او في الفتره الثانيه ..
طبعا في ناس تألف تقول أعيروه لنادي الأكوادور كأن أحنا مثلا بنقول لنادي من الأكوادور خذه فيقول (( سم طال عمرك )) ماهو منطق هو موقف أصلا من الفيفا 75 يوم بيقضيها بيقضيها وبعدين في شئ مهم ماتقدر انك انت تحط لاعب مكانه في الاسيويه وترجعه في نص الموسم الا اذا كان مسجل عندك في بطولة العالم للأنديه اذا الانظمه تسمح لكن في فترات تسجيل معروفه من 20/5 الى 11/ 8 والفتره الثانيه في يناير فماهو على كيفك تسجل اللاعبين وتطلعهم ...
وطارق التائب من أهم اللاعين عندي أنا شخصيا وان شاءالله نوقع معاه اذا توصلنا لأتفاق في الامور الماديه وبنوصل ان شاء الله لان طارق يحب الهلال والهلال يحبه ولكن اذا توصلنا بيكون في الأسيويه في بديل وطارق يكون في المرحله الثانيه لان من الصعب انك ماتستفيد من خانة لاعب وماهي منطقيه بأي مقياس من المقاييس والناس الي تقول ان لازم نضحي طارق نفسه ماراح يرضى ولا احد يحب الهلال بيرضى ان يكون عندك فرصه وتقول لأ أستنى شهرين ونص
ببعد هذاكله وقبله مسؤولية اللاعبين الاجانب مسؤولية المدرب لاهي مسؤولية لجنه ولا هي مسؤولية رئيس ولاهي مسؤولية مدير كره ولا هي مسؤولية أي أحد هي مسؤولية مدرب تعطيه كامل الصلاحيه وكامل الثقه يختار اللاعبين وفق تكتيكه ممكن يجيك المدرب يقول والله هذا اللاعب زين ممتاز مثلا وممكن يقول ابغى لاعب اسيوي في المكان الفلاني والله ممكن يقولك شيلهم لي كلهم ماأبغى لا ويلهمسون ولا رادوي ولا نيفيز ولا طارق ولا سول ممكن يقول كذا المدرب وواجبنا اننا نلبي طلباته ..
في هالحاله بيتسأل متسأل إيش بتسوون أذا قال المدرب ما أبغى ولا لاعب من اللعيبه ؟
هانبيع اللعيبه ببساطه شديده وأعتقد ان الحمدلله البضاعه اللي عندنا جيده ومرغوبه وماعندنا مشكله اننا نيعهم ونكسب منهم ونجيب لاعبين غيرهم "
وفي رسالته للجمهور الهلالي فيما يتعلق بطارق التائب قال الامير عبدالرحمن , اجاب سموه قائلا :
" في شئ بقوله في فكره مغلوطه الاداره ماهي مع لاعب ولا هي ضد لاعب الاداره مع مايخدم الفرق انا على المستوى الشخصي تستطيعون ان تسألوا طارق أحب طارق كا شخص وارى انه من اللاعبين الممتعين اللي يجعلوا كرة القدم ممتعه يمتعني في اللعب ولكن مو الهدف اني اكتفي بهالأمر واقرر على كيفي مثل ماقلت مصلحة الفريق تحتم انك تستفيد من لاعب في الفتره اللي طارق موقف فيها ..
مافي أي منطق ولا عقل خلهم ثلاث لاعبين أثنين أجانب وواحد أسيوي وخانة طارق التائب لا احد يقربها حتى لو مالعبنا في الأسيويه باربعه مستحيل وخصوصا ان عندنا تياجوا نيفيز جاي يعني إحنا اذا قدرنا طارق التائب اذا فزت اذا الله أكرمنا وأستطعنا تحقيق وهذا شئ صعب اللقب الأسيوي ممكن يكون فيه تصور كاس العالم كيف يشارك فيه طارق التائب ممكن ماادري كيف ولكن احنا ان شاء الله سنسعى للتوقيع مع طارق حسب الأليه الي قلت عنها بأننا نستفيد منه في يناير الفتره الثانيه او كاس العالم اذا الله اكرمنا و قدرنا نحقق البطوله بأذن الله .. "
وعن القوائم الماليه وأعلانها نهاية الموسم قال الامير عبدالرحمن , تحدث سموه :
" أحتمال تكون اول الموسم القادم لأن الحقيقه عندنا شغل كثير وعندنا أشياء مااكتملت لا من منشأت ولا غيره فا احتمال تكون اول الموسم القادم قبل الموسم ممكن نعلن القوائم بس مو في نهايته .."
hghldv uf]hgvplk fk lshu] dugk lph,v Y[jlhu l[gs hgh]hvi , lhdjugr fj[]d] hgjhzf